Munduko legedi gehienetan, egile eskubideen iraungitzea urteka egiten da, eta beraz, urtarrilaren 1ean sormen lan ugari jabetza publikoaren baitan geratzen dira. Urtero-urtero, beraz, egun berezi honetan, mundu zabaleko hainbat kantu, nobela, ipuin, film, antzezlan eta abarrek copyright-aren atzaparretatik ihes egiten dute. Hori gertatzen denean, interesa duen edonork lan hori nahi bezala erabiltzeko, kopiatzeko eta birmoldatzeko baimena du. Lan hori, herriaren jabetza bihurtzen da, guztiz askea. Azken batean, copyright-a epealdi baterako babesa besterik ez da, eta urte batzuk igarotakoan, goizago ala beranduago, aske geratzen da. Baina noiz iraungitzen dira egile eskubide horiek?

Ikusi Makusi webetik aterata: https://ikusimakusi.eus/2021/jabetza-publikoaren-eguna-2021/