Batera, kultur proiektuak elkarrekin diru-laguntzaren hirugarren deialdia abian jarri du Oihaneder Euskararen Etxeak. Gazteen artean euskaraz garatuko diren kultur-proiektuak sustatzea du helburu deialdi honek. Euskal Herriko 16-30 urte bitarteko edozein gazte euskaldunei zuzenduta dago. Edozein ideiak balio du euskaraz garatzekoa bada, eta kulturarekin zerikusia badu: liburu edo diska bat argitaratu, ekitaldi bat antolatu, APP bat sortu, bideo-jolas bat garatu, euskarazko lelodun kamisetak egin… landu imajinazioa! Aurkezten den proiektu bakoitzak gutxienez 3.000 €-ko aurrekontua izan beharko du.