Ekitaldiak kargatzen

« Ekitaldi guztiak

IEB2022. Informatikari Euskaldunen XII. Bilkura: Adimen Artifiziala.

uztaila, 01 // 09:00 - 17:00

Orain bi urteko jardunaldia bertan behera utzi ostean, indarberrituta heldu diogu 2022ko XII. edizioari. Aurreko bilkurarako proposatutako gaia mantendu dugu, Adimen Artifiziala, batere gaurkotasunik galdu ez duela iruditzen zaigulako.

Gaiak ertz ugari dauzka eta bilkura gune egokia izan daiteke horiek erakutsi eta eztabaidatzeko: Adimen Artifizialaren garapena eta egungo erronkak, erakundeen eta industriaren estrategiak eta aplikazio nabarmenenak, hezkuntzan eta ingurugiroan dauzkan inplikazioak, algoritmoen etika, datuen pribatutasuna eta beste hainbat.

IEB informatikari euskaldunen elkargune ere badenez, komunikazioen tartean, azken aldian izan diren esperientzia eta aplikazio interesgarrien berri emango dute egitasmoen arduradunek.

Jarduera hau UEUren Filosofia eta Informatika sailek #ElkarEkin antolatu dute.

Jardunaldi honen hasiera ekitaldia eta arratsaldeko mahai ingurua Adimen Artifiziala: filosofia eta teknologiaren bilgune jardunaldiarekin batera egingo dira.

Helburuak

  • Adimen Artifizialaren garapenaren berri ematea, ekarpenak, desorekak eta erronkak mahai gainean jarriz
  • Erakunde, enpresa eta eragileen planak bertatik bertara ezagutzea
  • Inplikazio sozialen inguruko gogoeta sustatzea: datuen pribatutasuna, algoritmoen etika, enpresa handien joerak eta alternatibak…
  • Informatikari euskaldunen bilgune izaera indartzea eta esperientzia eta aplikazio interesgarrien berri ematea.

Nori zuzendua

Informatikan edota ingeniaritzan ikasketadun eta arituak, eta gaiak interesa daukanak.

Egitaraua

Ordua Edukiak
08:30-09:00

Harrera eta dokumentazio banaketa.

09:00-09:10

Jardunaldiaren hasiera.

  • Kepa Sarasola, UEUko zuzendaria.
  • UEUren Filosofia eta Informatika sailak, jardunaldien antolatzaileak.

Hasiera Filosofia sailaren Adimen Artifiziala: filosofia eta teknologiaren bilgune jardunaldiarekin batera egingo da.

09:10-10:00

Adimen artifiziala atzotik gaurdaino. Justua ote?

  • Usue Mori Carrascal. UPV/EHUko irakaslea eta ISG taldeko ikertzailea.
  • Olatz Arbelaitz Gallego. UPV/EHUko irakaslea eta Aldapa taldeko ikertzailea. UEUkidea.

 

10:00-11:30

AA: Erronkak, aukerak eta arriskuak.

Euskal Herriko eragile esanguratsuen estrategiak ezagutu eta eztabaidatzeko tartea.

Gonbidatuak:

  • Eusko Jaurlaritza: Oscar Guadilla eta Xabier Arrieta
  • Vicomtech: Oihana Otaegi
  • Sophia Genetics: Jurgi Camblong
  • HiTZ Zentroa: Itziar Aldabe Arregi
  • Orai NLP Teknologiak: Josu Aztiria

Moderatzailea: Olatz Arregi.

11:30-12:00

Atsedenaldia.

12:00-14:00

Aplikazioak, esperientziak eta produktuak.

Aplikazioak

  • Bai&by-ren DDK Linguistic sistema – Entzi Zubiri, Joxean Rojas eta Iñaki Demon (bai&by)
  • Aditu, Elhuyarren hizketa ezagutzailea – Amaia Jauregi Carrera (Elhuyar)
  • Elia, Elhuyarren itzultzaile automatiko eleaniztuna – Amaia Jauregi Carrera (Elhuyar)
  • ORES euskarazko Wikipedian: inteligentzia artifiziala artikuluen kalitatea ebaluatzeko – Galder Gonzalez Larrañaga (EWKE)
  • M-proiektua – Martin Azpillaga Aldalur
  • Eumineralbot – Xabier Garmendia, Galder Gonzalez eta Kepa Sarasola.

 

Egitasmoak eta esperientziak

  • Common Voice: teknologiarekin euskaraz hitz egiteko auzolan digitala – Asier Iturralde Sarasola (Librezale)
  • Informatika ikasten Wikipedia eta Wikidata laborategi gisa hartuta – Ekhi Azurmendi, Oier Elola, Galder Gonzalez, Josu Loidi, Kepa Sarasola, Uxer Ugarte, Aimar Zabala eta Ana Zelaia.
  • Mycroft.eus: euskarazko bozgorailu adimenduna – (Elhuyar)
  • Googlek eta Microsoftek badute alternatiba librea! Kataluniako Digital Democràtic – Jaione Martinez Saez de Maturana eta Arkaitz Anza Illarreta
  • Software librean oinarritutako ikaskuntza-irakaskuntza sistemen aurkezpena: Tolosaldea LHII – Iñigo Balerdi Urrestarazu
  • Txikilinux Xilaba Donibane Lohizuneko ikastolan – Eder Etxebarria Rojo
  • Elkartenet Hezkuntza Elkartea: software librea egitasmoen dinamizaziorako tresna gisa – Jabi Alfaro Garcia
14:00-15:30

Bazkaltzeko tartea.

15:30-17:00

Mahai-ingurua: Adimen artifiziala pentsatzeko moduak.

  • Itziar Cortes (Elhuyar)
  • Eduardo Apodaka (EHU)
  • Itziar Alkorta (EHU)
  • Beñat Erezuma (Bigarren Hezkuntzako aholkularia)
Moderatzailea: Xabier Arregi.

Mahai-ingurua Adimen Artifiziala: filosofia eta teknologiaren bilgune jardunaldiarekin batera egingo da.

17:00-17:15

Amaiera.

  • UEUren Filosofia eta Informatika sailak.

Erantzun bat utzi

Zure e-posta helbidea ez da argitaratuko. Beharrezko eremuak * markatuta daude